अनल ज्योति बोर्डिङ स्कुल, नेपालले जेकेजी इन्टरनेशनल स्कुल भारतको सिकाइ भ्रमण गरेको छ । भारतीय आयोजक विद्यालयले हृदयस्पर्शी सांस्कृतिक आदानप्रदान कार्यक्रममा नेपालका प्रधानाध्यापक, शिक्षक र विद्यार्थीहरूलाई गर्वका साथ स्वागत गरेको थियो।

        सो अवसरमा जेकेजी इन्टरनेशनल स्कुलकी प्रिन्सिपल निधि गौर र अनल ज्योति बोर्डिङ स्कुल नेपालका प्रिन्सिपल निरोज महर्जनबीच साझेदारी सम्झौतामा हस्ताक्षर गरि एक एक प्रति साटासाट पनि भएको थियो । अनल ज्योति स्कुल नेपालका विद्यार्थीहरूले विद्यार्थीको भाषण, परम्परागत नृत्य, मधुर गीत र मातृभूमिको जीवन्त चित्र कोर्ने हृदयस्पर्शी कविताले उनीहरूलाई चकित बनाएका थिए । त्यसको जवाफमा जेकेजी इन्टरनेशनलका विद्यार्थीहरूले भारतीय संस्कृतिको ज्वलन्त झलक प्रदान गर्ने परम्परागत नृत्य, कविताहरू र योगको निर्मलताका साथ अतिथि प्रतिनिधिहरूलाई प्रस्तुत गरेका थिए ।

             अनल ज्योति स्कुलका विद्यार्थीहरू, शिक्षकहरु, र अभिभावक सहितको नेपालबाट आएका आगन्तुकहरूले जेकेडी इन्टरनेशनल स्कूलको सुविधाहरू, नवीन शिक्षण विधिहरू र न्यानो वातावरणको अवलोकन र प्रशंसा गरे।