अनल ज्योति बोर्डिङ स्कूल नेपाललाई नयाँ दिल्लीमा ग्लोबल सस्टेनेबिलिटी अवार्ड २०२३ बाट सम्मानित गरिएको छ । विजेताहरुलाई प्रमुख अतिथि भारतका वातावरण, वन तथा जलवायु परिवर्तन मन्त्री माननीय श्री अश्वानीकुमार चौबेले पुरस्कार वितरण गरेका थिए ।

 कार्यक्रमको आयोजना एआरसीले गरेको थियो । प्रतियोगितामा ५ महादेशका १५ मुलुकबाट विभिन्न विधामा ४५० भन्दा बढी आवेदन परेको मध्य यस विद्यालय, शिक्षक र विद्यार्थीलाई ३ विधामा पुरस्कृत गरिएको हाे। 

 विद्यालयले सस्टेनेबिलिटी हिरो नेपाल, शिक्षक सुमन शाहलाई एजुकेटर्स अवार्ड र छात्रा प्रजिना सापकोटालाई एसडीजी ६ प्रोजेक्ट अवार्ड प्रदान गरेको छ ।

अवार्ड लिन विद्यालयका प्रधानाध्यापक निरोज महर्जनसहित नेपालबाट अन्य १८ विद्यार्थी भारत गएका थिए । अनल ज्योति स्कूलले आफ्ना परियोजनाहरूमा आधारित सिकाइ र अनुभवमूलक सिकाइका साथ २१औँ शताब्दीका सीपहरूले सुसज्जित विश्वव्यापी नागरिकहरू तयार पार्ने काम गरिरहेको छ।